പുതിയതൊന്നു തൂക്കാനായ്
പഴയ കലണ്ടറൊന്നഴിച്ചുമാറ്റവേ
കാണുന്നു ഞാന്‍, മായാ,ത്തുണങ്ങാത്ത
ചോരപ്പാടുകള്‍ ഭിത്തിയില്‍!
മുഷിഞ്ഞ താളുകളിലെ കള്ളികളില്‍
ചുവന്നവധിദിനങ്ങള്‍ക്കപ്പുറവുമിപ്പുറവും
ചോരയാല്‍ ചുവന്നനവധി ദിനങ്ങളും!
ചിലദിനങ്ങളില്‍ പാതികരിഞ്ഞ
ചിത്രശലഭത്തിന്‍ ഹതാശമാം ചിറകടി!
ചിലതിലോ അമര്‍ത്തിയ കുഞ്ഞുരോദനങ്ങള്‍!
ചിലദിനം ചിതറീത്തെറിച്ചയുടലുകള്‍
ചിലനാളൊന്നുമില്ലാതെ ശൂന്യവും!
ചീറുന്നു, ചിതറുന്നു വെടിയുണ്ടകള്‍ -
ചിറകറ്റു വീഴുന്നു കുഞ്ഞുമാലാഖമാര്‍
ചിലനാളങ്ങനെ, ഓര്‍ക്കാന്‍ വയ്യ!
മറവിയാല്‍ കഴുകട്ടെ ഞാനീ ഭിത്തി,
അകലേക്കെറിയട്ടെയീ പഴയതാളുകള്‍.
ഇനിയീ ഭിത്തിയില്‍ തൂക്കട്ടെ ഞാ-
നിനി വരും കാലത്തില്‍ പുത്തന്‍ പ്രതീക്ഷകള്‍!
പഴയ കലണ്ടറൊന്നഴിച്ചുമാറ്റവേ
കാണുന്നു ഞാന്‍, മായാ,ത്തുണങ്ങാത്ത
ചോരപ്പാടുകള്‍ ഭിത്തിയില്‍!
മുഷിഞ്ഞ താളുകളിലെ കള്ളികളില്‍
ചുവന്നവധിദിനങ്ങള്‍ക്കപ്പുറവുമിപ്പുറവും
ചോരയാല്‍ ചുവന്നനവധി ദിനങ്ങളും!
ചിലദിനങ്ങളില്‍ പാതികരിഞ്ഞ
ചിത്രശലഭത്തിന്‍ ഹതാശമാം ചിറകടി!
ചിലതിലോ അമര്‍ത്തിയ കുഞ്ഞുരോദനങ്ങള്‍!
ചിലദിനം ചിതറീത്തെറിച്ചയുടലുകള്‍
ചിലനാളൊന്നുമില്ലാതെ ശൂന്യവും!
ചീറുന്നു, ചിതറുന്നു വെടിയുണ്ടകള്‍ -
ചിറകറ്റു വീഴുന്നു കുഞ്ഞുമാലാഖമാര്‍
ചിലനാളങ്ങനെ, ഓര്‍ക്കാന്‍ വയ്യ!
മറവിയാല്‍ കഴുകട്ടെ ഞാനീ ഭിത്തി,
അകലേക്കെറിയട്ടെയീ പഴയതാളുകള്‍.
ഇനിയീ ഭിത്തിയില്‍ തൂക്കട്ടെ ഞാ-
നിനി വരും കാലത്തില്‍ പുത്തന്‍ പ്രതീക്ഷകള്‍!
No comments:
Post a Comment