തെരുവോരത്തൊരു മുരുകന്‍

തെരുവില്‍നിന്ന് തെരുവിലേക്കോടുന്നു
മുച്ചക്രശകടം, ഓട്ടോറിക്ഷ.
തെന്നിയുംതെറിച്ചും നഗരമാകെക്കറങ്ങുന്നൂ
മുച്ചക്രശകടം, ഓട്ടോറിക്ഷ.
എന്നാലൊരിക്കലും വഴിതെറ്റാതെ
ഓടുന്നുണ്ടോരോട്ടോറിക്ഷ!
ഇരുട്ടില്‍നിന്ന് വെളിച്ചത്തിലേക്ക്,
ദൈന്യതയില്‍നിന്നു് പുഞ്ചിരിയിലേക്ക്,
അനാഥത്വത്തില്‍നിന്ന് സനാഥത്വത്തിലേക്ക്!
തെരുവോരത്തുനിന്ന് അഭയത്തിലേക്ക്,
പുഴുവരിക്കും വൃണങ്ങളില്‍നിന്ന്
സാന്ത്വനത്തിന്റെ ആതുരാലയത്തിലേക്ക്,
പിഴച്ചവഴികളുടെ തമസ്സില്‍നിന്ന്
ചിറകിന്‍‌കീഴിലെ ഊഷ്മളതയിലേയ്ക്ക്...
ആ വണ്ടിയ്ക്കു സാരഥിയായവന്‍ മുരുകന്‍,
വേലായുധന്‍ മുരുകനല്ല,
സ്നേഹായുധന്‍ മുരുകന്‍..
തെരുവോരം മുരുകന്‍!